ტრენინგის მეცხრე დღე

         დღევანდელი  დღე  დაიწყო  ტრენინგის მონაწილეთა  პროექტების  პრეზენტაციით.  შემდეგ  გადავედით   ბლოგზე  ვიდეოსა  და  ალბომის  ჩასმის  სწავლაზე.  ქალბატონმა  ქეთევანმა  ასევე ჩაგვაწერინა   ინტერნეტ მისამართი  ict.tpdc.ge, რომელში  შესვლითაც შეგვიძლია  გავეცნოთ  უამრავ  საინტერესესო  ვიდეო გაკვეთილებს, რომელიც  თავად  ჩვენი მწვრთნელის  მიერაა  შექმნილი.
           პროექტებით  სწავლების ტრენინგი  ძალიან საინტერესო  და  მრავლისმომცემი იყო პირადად  ჩემთვის.  ამ ტრენინგზე   ვისწავლე  პროექტის  საუკეთესოდ  წარმართვის მიზნით  სამუშაო  ქაღალდისა  და   ფაილების  შექმნა.  ასევე  ბლოგში   გაჯეტებზე მუშაობისას  ყველაზე   საინტერესო  იყო   HTML, რომლითაც  შეგვიძლია  ვიდეოებისა და  ალბომების   დამატება.  ჩემთვის ასევე საინტერესო იყო საავტორო უფლებების დაცვის ფაილი, რადგან  დღევანდელ  ვითარებაში  ძალიან  კარგი იქნება  თუ მოსწავლეები სკოლიდანვე  ისწავლიან  საავტორო  უფლებების  დაცვას.    
            ამ  ტრენინგზე  შეძენილი   გამოცდილება, დარწმუნებული  ვარ,  ძალიან  გამომადგება  საგაკვეთილო  პროცესის   უკეთ  დაგეგმვაში,  წარმართვასა   და  მოსწავლეთა  სასწავლო პროცესში  ჩართულობის  გაზრდაში, რაშიც  უღრმეს  მადლობას  ვუხდი  ქალბატონ  ქეთევანს.

ტრენინგის მერვე დღე

         დღევანდელი ტრენინგი  დაიწყო  წინა დღის შესწავლილი  მასალის გამეორებით.  შემდეგ ქალბატონმა ქეთევანმა   შეგვაქმნევინა  ჩვენს  პროექტზე  მორგებული ფასილიტაციის  რესურსი.  გაგვასუფთავებინა   ჩვენი  საქაღალდე ზედმეტი ფაილებისაგან.  პორტფოლიოს  გადახედვის  შემდეგ  გადავედით ჩვენივე  პორტფოლიოს საქაღალდის ბლოგზე ატვირთვაზე, რაშიც  ხელს  გვიშლიდა  ნელი ინტერნეტი.
        კიდევ  ერთხელ  დიდი  მადლობა  ქალბატონ  ქეთევანს  ჩვენდამი  ასეთი გულისხმიერებისათვის. 

მეშვიდე დღე

          დღევანდელი   ტრენინგის   დასაწყისში   ქალბატონმა  ქეთევანმა   გაგვამეორებინა   წინა  დღეებში  შესწავლილი   მასალა:  ჩვენს  ძირითად   საქაღალდეში  გახსნილი   ფაილების   მნიშვნელობა  (კურსის  რესურსები,  მოსწავლის  ნიმუში,  სასწავლო  პროექტის  გეგმა,  სასწავლო  პროექტის  დამხმარე,  სურათები, აუდიო, ვიდეო  ფაილები,  შეფასებები)  და   მათში  მოთავსებული  ინფორმაცია.
          დღეს   შევისწავლეთ   ბლოგში   HTML  გაჯეტზე   მუშაობა,  კერძოდ,  საათის, კალენდრის  ჩასმა.     სასწავლო   პროექტის   გეგმაში   ,,დიფერენცირებული   სწავლება" გავეცანით   ყველა   საჭიროების   მქონე   მოსწავლეებისათვის    შესაბამისი   დავალებების   დიფერენცირებას.   ასევე   სასწავლო  თემისთვის   საჭირო  მასალების  შევსება-კორექტირებაზე.    დღევანდელი   ტრენინგი    დავამთავრეთ  ,, სასწავლო  პროცედურების"    შევსებით.  
        კიდევ  ერთხელ  ვუხდი  უღრმეს  მადლობას ქალბატონ  ქეთევანს  ტრენინგის  განმავლობაში   თითოეული  მონაწილისადმი  გულისხმიერ   მოპყრობაში.  

მეექვსე დღე

        დღევანდელი  სასწავლო  დღე  დავიწყეთ  წინა  გაკვეთილზე  შესწავლილი მასალის გამეორებით, კერძოდ, მოსწავლეთა  ბლოგში  გაჯეტებზე  მუშაობით: სურათების, გამოკითხვებისა  და  გვერდების  შექმნით.   შემდეგ  გადავედით  მოსწავლის  პრეზენტაციის  შექმნაზე.  აქ  ქალბატონმა ქეთევანმა  გაგვიზიარა  საკუთარი გამოცდილება  საუკეთესო  პროექტის შექმნასთან დაკავშირებით, რისთვისაც ვუხდი უღრმეს მადლობას, რადგან  ჩემი მოსწავლეები  შეძლებენ  საკუთარი  ცოდნისა და უნარ-ჩვევების  უკეთ  წარმოჩენას  მომავალში.   დღევანდელი  დღე  აგრეთვე დამეხმარება  მოსწავლეთა  ნამუშევრების  რუბრიკების  უკეთ მომზადებაში, რომელიც  ასევე ჩემი უსაყვარლესი  მასწავლებლისა და გზამკვლევის  ქალბატონ ქეთის  უდიდესი დამსახურებაა.  

        

მეხუთე დღე

          დღევანდელი  ტრენინგის დასაწყისში გავიმეორეთ წინა ტრენინგზე შესწავლილი მასალები, კერძოდ, ბლოგის  შექმნა, მასში ტექსტის  რედაქტირება  და  ა.შ.    აგრეთვე
ვისწავლეთ   კოლეგების  ბლოგის   დათვალიერება   და   კომენტარების  გამოქვეყნება,  საავტორო  უფლებების  დაცვა   და  გამოყენებული  ლიტერატურის  შაბლონების შექმნა.

         მეხუთე  დღის  ტრენინგი დავუთმეთ მოსწავლის  ბლოგის   შექმნას,კეძოდ, გაჯეტებზე მუშაობას:სურათების, გამოკითხვებისა და გვერდების შემნას. 

        ჩემთვის  ძალიან  მნიშვნელოვანი და საინტერესო იყო დღევანდელ ტრენინგზე შესწავლილი მასალა.  უღრმესი მადლობა ქალბატონ ქეთევანს. 

ტრენინგის მეოთხე დღე

         მეტად  საინტერესო  და  კრეატიული  იყო  ტრენინგის  დღევანდელი დღე.  გავეცანი  პროექტის  შეფასების  სხვადასხვა  მეთოდებს.  ვიმუშავეთ  საკუთარი პროექტის გეგმაში  დროში  გაწერილი  შეფასების  გეგმაზე.   ჩემთვის  ძალიან საინტერესო  და სახალისო იყო  პროექტის  პრეზენტაციის, ბლოგში  სურათების  ჩასმა-წაშლის, ბლოგში სათაურის  წაშლისა თუ  კორექტირების,  თავად  ბლოგის  წაშლა-აღდგენისა   და   დიზაინის  შეცვლის  შესახებ.
         დღევანდელ  ტრენინგზე  შეძენილი  ინფორმაცია  ნამდვილად   დამეხმარება  ჩემი  პროექტის  უკეთ  წარმართვასა  და  განხორციელებაში, ამისთვის  დიდი  მადლობა  ქალბატონ  ქეთევანს.

 

ტრენინგის მესამე დღე

          დღევანდელი  ტრენინგი  დაიწყო  წინა კვირაში  ნასწავლი  პროექტის საქაღალდეში  შემავალი  ფაილების  მნიშვნელობის  გამეორებით.  შემდეგ  უკვე  გადავედით ზოგადი  და  ასევე ჩვენი  პროექტის  გეგმის  მუშაობაზე, კერძოდ, სტანდარტის დადგენაზე, მიზნის  განსაზღვრასა  და  მიმართულების  მიმცემ  კითხვებზე.
           დღეს   გავეცანი  ისეთ  ინფორმაციას,  რომელიც  დამეხმარება,  ჩემი  პროექტის  უკეთ  დაგეგმვაში,  კერძოდ,  იყოს   უფრო   მეტად  ორიენტირებული   მოსწავლის   ახალ  ცოდნასა  და  უნარ-ჩვევაზე.  საუკეთესო  მიზანია  მოსწავლეების   21-ე  საუკუნის  უნარ-ჩვევების  განვითარება,  ჩემი მიმართულების  მიმცემი  საკვანძო  შეკითხვები მოსწავლეებისგან  მოითხოვს  გამოიყენონ  ინფორმაცია  შინაარსობრივი შეკითხვებიდან,  რათა დეტალურად   უპასუხონ  თემატურ  კითხვებს,  შემოქმედებითად  და  კრიტიკულად  იფიქრონ   მთავარ  შეკითხვაზე.